22-05-2008, 19:41
|
|
|
חבר מתאריך: 25.01.06
הודעות: 1,492
|
|
פרקי תהילים לרפואת הרב שליט"א
יש לומר לפני : לרפואת הרב מרדכי צמח בן מזל טוב.
א לַמְנַצֵּחַ בִּנְגִינוֹת, מִזְמוֹר לְדָוִד.
ב בְּקָרְאִי, עֲנֵנִי אֱלֹהֵי צִדְקִי בַּצָּר, הִרְחַבְתָּ לִּי; חָנֵּנִי, וּשְׁמַע תְּפִלָּתִי.
ג בְּנֵי אִישׁ, עַד מֶה כְבוֹדִי לִכְלִמָּה תֶּאֱהָבוּן רִיק; תְּבַקְשׁוּ כָזָב סֶלָה.
ד וּדְעוּ כִּי הִפְלָה יְהוָה, חָסִיד לוֹ; יְהוָה יִשְׁמַע, בְּקָרְאִי אֵלָיו.
ה רִגְזוּ, וְאַל תֶּחֱטָאוּ: אִמְרוּ בִלְבַבְכֶם, עַל מִשְׁכַּבְכֶם; וְדֹמּוּ סֶלָה.
ו זִבְחוּ זִבְחֵי צֶדֶק; וּבִטְחוּ, אֶל יְהוָה.
ז רַבִּים אֹמְרִים, מִי יַרְאֵנוּ טוֹב: נְסָה עָלֵינוּ, אוֹר פָּנֶיךָ יְהוָה.
ח נָתַתָּה שִׂמְחָה בְלִבִּי; מֵעֵת דְּגָנָם וְתִירוֹשָׁם רָבּוּ.
ט בְּשָׁלוֹם יַחְדָּו, אֶשְׁכְּבָה וְאִישָׁן: כִּי אַתָּה יְהוָה לְבָדָד; לָבֶטַח, תּוֹשִׁיבֵנִי.
----------
א לַמְנַצֵּחַ עַל הַשְּׁמִינִית, מִזְמוֹר לְדָוִד.
ב הוֹשִׁיעָה יְהוָה, כִּי גָמַר חָסִיד: כִּי פַסּוּ אֱמוּנִים, מִבְּנֵי אָדָם.
ג שָׁוְא, יְדַבְּרוּ אִישׁ אֶת רֵעֵהוּ: שְׂפַת חֲלָקוֹת בְּלֵב וָלֵב יְדַבֵּרוּ.
ד יַכְרֵת יְהוָה, כָּל שִׂפְתֵי חֲלָקוֹת לָשׁוֹן, מְדַבֶּרֶת גְּדֹלוֹת.
ה אֲשֶׁר אָמְרוּ, לִלְשֹׁנֵנוּ נַגְבִּיר שְׂפָתֵינוּ אִתָּנוּ: מִי אָדוֹן לָנוּ.
ו מִשֹּׁד עֲנִיִּים, מֵאֶנְקַת אֶבְיוֹנִים: עַתָּה אָקוּם, יֹאמַר יְהוָה; אָשִׁית בְּיֵשַׁע, יָפִיחַ לוֹ.
ז אִמְרוֹת יְהוָה, אֲמָרוֹת טְהֹרוֹת: כֶּסֶף צָרוּף, בַּעֲלִיל לָאָרֶץ; מְזֻקָּק, שִׁבְעָתָיִם.
ח אַתָּה יְהוָה תִּשְׁמְרֵם; תִּצְּרֶנּוּ, מִן הַדּוֹר זוּ לְעוֹלָם.
ט סָבִיב, רְשָׁעִים יִתְהַלָּכוּן; כְּרֻם זֻלּוּת, לִבְנֵי אָדָם.
----------
א לַמְנַצֵּחַ, מִזְמוֹר לְדָוִד.
ב עַד אָנָה יְהוָה, תִּשְׁכָּחֵנִי נֶצַח; עַד אָנָה, תַּסְתִּיר אֶת פָּנֶיךָ מִמֶּנִּי.
ג עַד אָנָה אָשִׁית עֵצוֹת, בְּנַפְשִׁי יָגוֹן בִּלְבָבִי יוֹמָם; עַד אָנָה, יָרוּם אֹיְבִי עָלָי.
ד הַבִּיטָה עֲנֵנִי, יְהוָה אֱלֹהָי; הָאִירָה עֵינַי, פֶּן אִישַׁן הַמָּוֶת.
ה פֶּן יֹאמַר אֹיְבִי יְכָלְתִּיו; צָרַי יָגִילוּ, כִּי אֶמּוֹט.
ו וַאֲנִי, בְּחַסְדְּךָ בָטַחְתִּי יָגֵל לִבִּי, בִּישׁוּעָתֶךָ: אָשִׁירָה לַיהוָה, כִּי גָמַל עָלָי.
יהיה טוב.
לקוח מהאתר הזה כאן
נערך לאחרונה ע"י roeis01 בתאריך 22-05-2008 בשעה 19:45.
|